Suala la bajaji halijawahi kumuacha mtu salama – Bright

Msanii wa Bongo Fleva, Bright amesema msanii yeyote mwenye malengo makubwa kupanda bajaji au pikipiki ni suala lisiloweza kuepukika.

Muimbaji huyo amesema ingawa hadi sasa menejiment yake haijamkabidhi usafiri (gari) lakini sio kitu ambacho kinamzuia kufanya mambo yake, na kudai suala hilo ameachia uongozi wake hadi pale utakapoona anastahili kupata gari.

“Nafikiri suala la bajaji halijawahi kumuacha mtu salama hasa kwa msanii mwenye malango na future, kwa hiyo mimi sioni kazi kupanda bajaji au pikipiki.  Naweza kusema daladala, bajaji, pikipiki zinapandika inatengemea nataka kufanyia nini na kwa wakati gani,” Bright ameimbia E-Newz ya EATV.

“Mimi nafikiri wakati umefika ila siwezi kuwalazimisha kwa sababu uongozi wenyewe una utaratbu wake wa ufanyaji kazi. Mwenyewe anajua Bright anatakiwa kuwa wapi na ana malengo gani, na gari ni matokeo ya kazi yangu. Nafikiri hata nisipopewa na menejiment naweza kuingi show room na kuchukua gari langu, kwa hiyo hayo yatafiki tu,” ameongeza.