Don Jazzy asaini wasanii 4 wapya ndani ya Mavin Records

Lebo ya muziki ya Nigeria inayofanya vizuri Afrika, Mavin Records inayomilikiwa na Don Jazzy imefanikiwa kuongeza wasanii wengine wanne ndani ya himaya yao.

Wasanii hao waliofanikiwa kusajiliwa kwenye lebo hiyo ni pamoja na Poe, Johnny Drille na mapacha wawili wanaofahamika kama DNA (Blair na Clint).

Blair na Clint wanaounda kundi la DNA waliosajiliwa na lebo ya Mavin Records

Kupitia mtandao wa Twitter, Jazzy amethibitisha kuwasaini wasanii hao kwa kuandika, “Mavins Activated: Poe, Johnny Drille and DNA:.”

Mavin Record ilianzishwa mwaka 2012 na mpaka sasa inawasanii zaidi ya 10 akiwemo Tiwa Savage, Di’Ja, Iyanya, Korede Bello, Reekado Banks, Dr Sid na wengine.