ENEWZ AFRICA | Wataendelea kutulaza ndani – Billnass

Mwanamuziki wa Hip hop kutoka lebo ya (LFLG)
Billnass anayefanya poa na ngoma yake
‘Mazoea’ amesema yeye hakwenda kituo cha
polisi kuwaangalia mabosi zake waliokuwa
wametuhumiwa kujishughulisha na dawa ya
kulevya ili wajifunze maisha.

Katika kipindi cha Friday Night Live (FNL) cha
EATV Billnass alisema katika maisha aliyoishi
yeye suala la kwenda ndani ni jambo la kawaida
sana hivyo kutokwenda kuwaona maboss zake
ambao ni Pet Man na Mchafu Chakoma kipindi
wamepatwa na matatizo si jambo la msingi na
kusema yeye hawezi kuhama label yake kwa ajili
ya maboss zake wamehusishwa na dawa za
kulevya.
“Siwezi kuhama label eti sababu kuna watu
wamelala ndani, hata baba na mama yangu mimi
pia walishakaa ndani, kwa mazingira niliyokulia
mtu kuwekwa ndani jambo la kawaida na
wataendelea kutuweka ndani”.- Alisisitiza
Billnass
Aidha Billnass ameongeza kuwa Mwana FA
kumfunika katika wimbo wake wa Mazoea
aliomshirikisha ni heshima sana kwakwe kwa
kuwa msanii huyo ni mkongwe kwenye kiwanda
cha muziki pamoja na hayo amedai hakuna Dj
ambaye anaweza kuminya kipande alichokiimba
yeye na kukicheza cha mwana FA peke yake
kwani wote wameutendea haki wimbo huo.
Pia msanii huyo amekanusha kuwahi kuwa na
mahusiano na msanii Linnah Sanga ambaye
ukaribu wao ulifanya watu wengi kuhisi kwamba
ni wapenzi.
“She was good friend of mine, hakuwai kuwa
mpenzi wangu kuhusu mimba tutajua mtoto
akizaliwa maana huwezi kujua, yule mtoto ni wa
nani inawezekana atakua wangu au laa!.-
Alisema Billnass akiwa anacheka