MANCHESTER UNITED YATINGA NUSU FAINALI EUROPA LEAGUE

Usiku wa kuamkia leo April 21 kuna jumla ya michezo minne ambayo ilichezwa katika viwanja tofauti tofauti Barani Ulaya ili kutafuta timu 4 ambazo zilihitajika kufuzu katika hatua ya nusu fainali ya ligi ya Europa League.

Mmoja kati ya michezo hiyo minne ni huu ambao ulipigwa katika dimba la Old Trafford na kuzikutanisha Manchester United na Anderlecht katika mchezo wa marudiano wa hatua ya robo fainali ya ligi hiyo.

Mchezo ambao dakika 90 hazikutosha kuamua mshindi na hivyo kulazimika kuongezwa dakika 30, ikiwa dakika 90 za mchezo huo zilimalizika kwa sare ya 1-1 sawa na matokeo ambayo yalipatikana katika mchezo wa awali.

Goli la ushindi la Manchester United lilipatikana dakika ya 107″ kupitia mshambuliaji wake Marcus Rashford huku lile la kwanza likifungwa mapema kabisa mnamo dakika ya 10″ ya mchezo  kupitia Henrik Mkhitaryan wakati lile la Anderlecht likifungwa na Sofiane Hanni dakika ya 32″ ya mchezo.

Timu zingine ambazo zimefanikiwa kufuzu hatua ya nusu fainali ni pamoja na Lyon, Celta Vigo pamoja na Ajax.