DIAMOND PLATNUMZ NI MIONGONI MWA MASHABIKI WANAOUPENDA WIMBO WA RAY C “UNANIMALIZA”, AANDIKA HAYA

Katika maisha kitu kikiwa kizuri na chenye jitihada ya kufika mahala fulani, siku zote lazima kitapewa sifa zake hata kama zitachelewa, na ishu hiyo imethibitishwa na Diamond platnumz baada ya kufunguka kuhusu Ray C na wimbo wake  ‘Unanimaliza’.

Baada ya kuwa na kipindi kigumu hapo nyuma, Malkia Ray C aliamua kuachia kibao chake cha  ‘Unanimaliza’ ambacho kimefanya wadau wengi wa muziki wa Bongo Fleva kumpongeza kwa hatua aliyofikia, Moja ya wadau wakubwa na msanii wa muziki wa Bongo Fleva Diamond Platnumz alitumia kurasa yake ya Instagram kufunguka kuhusu Ray C nakuomba wadau na vyombo vya habari kutoa sapoti.

Salaam dada angu @rayctanzania , siku ya leo nilitamani nikwambie maneno haya: Spirit ama juhudi unayoionyesha sasa inatia faraja sana, naamini sio kwa wapenda muziki wa Tanzania tu bali hata kwa watu mbalimbali…. Nafarijika kuona wimbo wako wa #Unanimaliza watu mbalimbali wameupokea vizuri, na nisiwe mnafiki hata mie ni miongoni mwa watu wanaoupenda wimbo huu wako mpya…. Ombi langu kwako usikubali kurudi nyuma tena, ijapokuwa sanaa zetu zina changamoto nyingi ila amini ni mitihani tu ya Mwenyez Mungu, ila ukiwa mvumilivu na kumuomba Muumba, itapita….niwaombe pia Vyombo vya Habari vyetu pendwa tuzidi kumsapoti dada etu, kwani naami kwa sapoti yenu, sapoti ya wadau mbalimbali na kuongeza juhudi kwake kutamfanya awe mfano bora, na kuamsha vijana wengi sana mitaani kwetu ambao pengine walijikatia tamaa kwa mambo mbalimbali….InshaAllah Mwenyez Mungu akusmamaie katika kazi zako na Maisha ya kila siku @rayctanzania