BARCELONA CHALI CHA MENDE

Michezo mingine miwili ya marudiano UEFA Champions League hatua ya robo fainali iliendelea usiku wa jana April 19 na hatimaye tim umbili zikafanikiwa kusonga mbele katika hatua ya nusu fainali ya michuano hiyo.

Ni Juventus ya Italia pamoja na AS Monaco ya Ufaransa, Juventus akimng’oa Barcelona huku Monacoakijipatia ushindi mnono dhidi ya Borussia Dortmund ya Ujerumani.

Mchezo wa Barcelona vs Juventus ulimalizika kwa sare ya bila kufungana na hivyo sare hiyo kumpa nafasi Juventus kusonga mbele kutokana na mchezo wa kwanza wakongwe hao wa Italia kupata ushindi wa mabao 3-0 wakiwa katika uwanja wao wa nyumbani.

AS Monaco ni club pekee iliyofuzu hatua hiyo kwa usindi wa nyumbani na ugenini, ikiwa ni baada ya kuifunga Borussia Dortmund kwa mabao 3-2 katika mchezo wa awali ambao ulichezwa Ujerumani nyumbani kwa Dortmund na hapo jana kufanikiwa pia kuibuka na ushindi wa mabao 3-1 katika dimba lake la nyumbani.

kwa hivyo club zilizofanikiwa kufuzu hatua ya nusu fainali ni Atletico Madrid, Real Madrid, Juventus pamoja na AS Monaco.