SCHWEINSTEIGER AITOSA MAN U, ATIMKIA MAREKANI

Mshindi wa kombe la Dunia, akiwa na timu ya Taifa ya Ujerumani mwaka 2014, Bastian Schweinsteiger amejiunga na klabu ya ligi kuu ya soka nchini Marekani, Chicago Fire, akitokea Manchester United, ya nchini Uingereza.

Kiungo huyo, aliyekuwa hana nafasi kwenye klabu ya Manchester Uinted, tangu inolewe na Jose Mourinho, msimu huu, amekuwa akifuatiliwa na kocha wa Fire, Veljko Paunovic tangu mwezi Novemba.

Schweinsteiger, ametia saini ya mkataba wa mwaka mmoja na anatarajiwa kujiunga na klabu hiyo, mapema wiki ijayo kutegemea upatikanaji wa Visa ya kuingia Marekani na kufuzu kwa vipimo vya Afya.

“Nina huzuni, kuwaacha marafiki zangu wengi Manchester United. Lakini naishukuru klabu kuniruhusu kwenda kupata changamoto mpya Chicago Fire”. Alisema Schweinsteiger.

Nahodha huyo wa zamani wa Ujerumani amecheza mechi tatu tu za Manchester, United, tangu aje Mourinho, majira ya kiangazi yaliyopita, huku mechi yake mwisho ikiwa Februari 22 dhidi ya Saint-Etienne kwenye michuano ya Europa, akiingia kutokea benchi.