JAY MOE ANYOOSHA MAELEZO JUU YA TETESI ZA KUMCHANA IZZO BIZNESS KWENYE ‘NISAIDIE KUSHARE’

Msanii mkongwe anayetamba na ngoma ya ‘Nisaidie Kushare’, Juma Mchopanga ‘Jay Moe’ maarufu zaidi kama ‘Famous’ amekanusha kumchana Izzo Biznez katika ngoma hiyo na kwamba Izzo mtu wake karibu ambaye wanashirikiana kwenye kazi nyingi.

Jay Moe alisema watu wametafsiri vibaya kwa kumuhusisha Izzo  na wimbo huo pia kumuweka kwenye kundi la wasiojua ni kosa , na kuongeza kuwa yeye amewachana watu wote ambao wanafanya kazi mbaya na kusumbua watu kuwasaidia kuweka picha za kazi zao katika mitandao ya kijamii.

“Mimi sina bifu na Izzo Bizness, siwezi kumtungia nyimbo za kumchana. Mimi sijamlenga mtu mmoja kwenye wimbo wangu bali nimewachana wote wanaoandika nyimbo mbovu sana  alafu anakutumia umsaidie kuweka kwenye mitandao hata mwezi mzima alafu wimbo ukija kuusikia unatamani kufuta  picha” Alisema Moe.

Majibu hayo yamekuja baada ya tetesi zilizopo mitaani ya  kwamba katika wasanii wanaoongoza kwa kuomba watu waweke matangazo ya nyimbo zake kwenye mitandao lakini akitoa nyimbo zinabuma kwa kuwa hawekezi kwenye kuangalia kuandika nyimbo bali picha.